बिन्दबासिनी म्युजिकका सञ्चालक रेग्मी बिमानस्थलबाट पक्राउ

सोमबार फाल्गुण ८, २०७९/ Monday 02-20-23

काठमाण्डौ - २०७९ फाल्गुन ८

बिन्दबासिनी म्युजिक कम्पनीका सञ्चालक सुवास रेग्मी पक्राउ परेका छन्। त्रिभुवन अन्तर्राष्ट्रिय विमानस्थलबाट केन्द्रीय साइबर ब्यूरोले रेग्मीलाई पक्राउ गरेको हो।

साइबर ब्यूरोका एसएसपी नवीन्द अर्यालका अनुसार थाईल्याण्डबाट नेपाल आउँदै गरेका बेला रेग्मीलाई विमानस्थलबाटै पक्राउ गरिएको हो । गायक प्रमोद खरेलसहित ४ जना कलाकारले उजुरी दिएपछि साइबर अपराधको आरोपमा पक्राउ परेका रेग्मीकाे आजै अदालतमा म्याद थप गरिनेछ ।

रेग्मीले सामाजिक सञ्जालमामार्फत् विभिन्न कलाकारहरुविरुद्ध अपशब्द प्रयोग गरेको तथा लाञ्छना लगाउने गरेको आरोपमा साइबर ब्युरोमा केही दिन अघि उजुरी परेको थियो । सोही उजुरीको आधारमा उनलाई पक्राउ गरिएको बुझिन आएको छ ।