भदौ १५, काठमाण्डौ
पहिरोका कारण नारायणगढ मुग्लिन सडकखण्ड अवरुद्ध भएको छ । चितवनको भरतपुर महानगरपालिका–२९ मा रहेको केराबारीमा लेदोसहितको पहिरो खस्दा गएराति साढे २ बजेदेखि सडक अवरुद्ध भएको हो ।
रातिदेखि नै पहिरोका कारण सडक ठप्प भएपछि अहिले सडकमा गाडीको लामो लाइन लागेको छ । पानी परिरहेकाले पहिरो हटाउन समय लाग्ने जिल्ला प्रहरी कार्यालय चितवनले जनाएको छ । अहिले दुई वटा डोजरको प्रयोग गरेर पहिरो पन्छाउने काम भईरहेको प्रहरीले जनाएको छ ।
पहिरोको उच्च जोखिम रहेकाले नारायणगढ–मुग्लिन सडकमा यात्रा गर्दा सडकको अवस्थाबारे ख्याल गर्न प्रहरीले आग्रह गरेको छ ।
2026-01-13-12-03-22.jpeg)
तपाईको प्रतिक्रिया