राष्ट्रिय

दाउन्नेमा बस पल्टिएर आगो लाग्दा ३१ जना घाइते, चालक फरार

रेडियो लुम्बिनी

बुधबार श्रावण ११, २०७९/ Wednesday 07-27-22

साउन ११, काठमाडौं
नवलपरासी पूर्वको दाउन्नेमा बस पल्टिएर आगलागी हुँदा ३१ जना घाइते भएका छन्। घाइतेमध्ये चारजनाको गम्भीर रहेको छ ।

कञ्चनपुरबाट काठमाडौं जाँदै गरेको ना ५ ख ५१०० नम्बरको बस दाउन्नेको ओरालो कटेपछि अनियन्त्रित भई पल्टिँदा बसमा आगो लागेको नवलपुर प्रहरीले जनाएको छ ।

बसमा ३१ जना सवार रहेको र चार जनाकोअवस्था गम्भीर रहेको प्रहरीको भनाइ छ। घाइतेमध्ये ६ जनालाई उपचारका लागि भरतपुर अस्पताल चितवन पठाइएको र अन्यको मध्यबिन्दु अस्पतालमा उपचार भइरहेको जनाइएको छ ।
 चालक भने फरार रहेकोले खोजी भइरहेको प्रहरीले बताएको छ ।