नेपालमा हरेक वर्ष करिव दुई अर्बभन्दा बढीको चुरा पोते आयात हुँदै 

असार २९, काठमाडौं
नेपालमा हरेक वर्ष करिव दुई अर्बभन्दा बढीको चुरा पोते लगायतका श्रृङ्गार सामग्री आयात हुने गरेको भन्सार विभागले जनाएको छ । चालु आर्थिक वर्षको ११ महिनामा मात्रै ४४ करोडभन्दा बढिको हरियो चुरा आयात भएको छ । धर्मशास्त्र अनुसार साउनमा हरियो चुरा र पोते लगाउनुलाई सौभाग्यको प्रतिक मान्ने गरेको छ ।

२५ वर्षदेखि चुराको व्यवसाय गर्दै आउनु भएका काठमाडौँ असनका अकिक मियाले यो वर्षको लागि मात्रै दुई करोडभन्दा बढिको हरियो चुरा आयात गरेको बताउनुभयो । जसमा हरियो चुराको मात्रा ५० प्रतिशतभन्दा बढी रहेको भन्सार विभागका प्रवक्ता आनन्द काफ्लेले जानकारी दिनुभयो ।

नेपाली महिलाहरूले लगाउने चुराकै कारण वार्षिक एक अर्बभन्दा बढी बाहिरिने गरेको छ । अर्थतन्त्र दबाबमा रहेका समयमा केहीदिनपछि फुटेरै सकिने चुराको लागि भारी रकम बाहिरिनु चिन्ताकै विषय रहेको विज्ञहरू बताउँछन् ।