गुल्मी २०७९ माघ २८
गुल्मीमा ट्याक्टरले किच्दा शुक्रबार दिउँसो एक युवकको ज्यान गएको छ । गुल्मीको धुर्कोट गाउँपालिका‐२ पिपलधारामा लु ४ त ७६५६ नम्बरको ट्याक्टरले किच्दा सोही ठाउँका २२ वर्षीया सुवास परियारको मृत्यु भएको प्रहरी निरीक्षक रबिन्द्र श्रेष्ठले जानकारी दिनुभयो ।
नादी खोलाबाट बालुवा बोकेर पिपलधारा जाँदै गरेको ट्याक्टरमा सवार परियार दिउँसो साढे चार बजे अचानक ट्याक्टरबाट खसेको र बीचको पाङ्ग्राले किच्दा मृत्यु भएको प्रहरिले जनाएको छ । मृतक भने अर्को ट्याक्टरका सहचालक थिए ।
उनलाई किच्ने ट्याक्टरका चालक सागर र ट्याक्टरलाई जिल्ला प्रहरी कार्यालय गुल्मीले नियन्त्रणमा लिएको प्रहरी निरीक्षक श्रेष्ठले बताउनुभयो । मृतकको शव पोष्मार्टमका लागि गुल्मी अस्पताल ल्याइएको छ ।
2026-01-13-12-03-22.jpeg)
तपाईको प्रतिक्रिया