राष्ट्रिय

नेता थापा आउँदो महाधिवेशनमा महामन्त्री पदमा उम्मेदवारी

रेडियो लुम्बिनी

सोमबार भदौ १४, २०७८/ Monday 08-30-21

काठमाण्डाै २०७८ भदौ १४      

     नेपाली कांग्रेसका नेता गगन थापाले आउँदो महाधिवेशनमा महामन्त्री पदमा उम्मेदवारी दिने घोषणा गर्नुभएको छ ।नेता थापाले काठमाण्डौ निर्वाचन क्षेत्र नम्बर ४ मा भएको एक कार्यक्रममा महामन्त्रीमा उम्मेदवारी घोषणा गर्दै तयारीमा लागिसकेको समेत जानकारी दिनुभयो ।

नेता थापाले आफूले अघिल्लो महाधिवेशनमा महामन्त्रीमा प्रतिस्पर्धा गरेको स्मरण गर्दै गौरवका साथ आउँदो महाधिवेशनमा पनि उम्मेदवारी दिने घोषणा गर्नुभयो । सकभर सर्वसम्मत उम्मेदवार हुने कोसिसमा रहेको र सर्वसम्मत हुन नसके प्रतिस्पर्धाका लागि पनि आफु तयार भएको बताउनुभयो ।

 नेपाली कांग्रेसको १४ औँ महाधिवेशन आउँदो मङ्सिरको ९ गतेदेखि काठमाण्डौमा हुँदैछ । यसअघि १३ औँ महाधिवेशनमा महामन्त्रीमा उम्मेदवारी दिनुभएका थापा डाक्टर शशाङ्क कोइरालासँग पराजित हुनुभएको थियो ।