राष्ट्रिय
इन्धनको मूल्य फेरि बढ्यो, खाना पकाउने ग्यासमा प्रतिसिलिन्डर २५ रुपैयाँले बृद्धि
बुधबार चैत २३, २०७८/ Wednesday 04-06-22
काठमाण्डौ
नेपाल आयल निगमले इन्धनको मूल्य फेरि बढाएको छ । पेट्रोल, डिजल र मट्टीतेलको मूल्य प्रतिलिटर ५ रुपैयाँ र खाना पकाउने एलपी ग्यासमा प्रतिसिलिन्डर २५ रुपैयाँले बढेको हो । गएराति १२ बजेदेखि लागू हुने गरी इन्धनको मूल्य बढेको निगमले जारी गरेको विज्ञप्तिमा उल्लेख छ ।
अब पेट्रोलको मूल्य प्रतिलिटर एक सय ६० रुपैयाँ, डिजल र मट्टीतेलको मूल्य प्रतिलिटर एक सय ४३ रुपैयाँ पुगेको छ । त्यस्तै खाना पकाउने ग्यासको मुल्य प्रतिसिलिन्डर १६ सय रुपैयाँ पुगेको छ ।
खाना पकाउने ग्यासको मूल्य यसअघि १५ सय ७५ रुपैयाँ रहेको थियो । आयल निगमले ठूलो घाटा बेहोर्नु परेको भन्दै स्वचालित मूल्य प्रणाली बनाउने तयारी गरेको छ ।
तपाईको प्रतिक्रिया