लुम्बिनी सूचना तथा सञ्चार सहकारी संस्थाद्वारा सञ्चालित रेडियो लुम्बिनी तथा तिलोत्तमा टेलिभिजनको आज २३ वार्षिक साधारण सभा हुँदै

लुम्बिनी सूचना तथा सञ्चार सहकारी संस्थाद्वारा सञ्चालित रेडियो लुम्बिनी तथा तिलोत्तमा  टेलिभिजनको आज  २३ वार्षिक साधारण सभा  हुँदैछ । साधारण सभाको तयारी पूरा भएको छ । विक्रम संवत २०५६ साल माघ २७ गते श्रीपञ्चमीको दिन पहिलोपटक  नेपालमा काठमाण्डौ उपत्यकाबाहिर रेडियो लुम्बिनी गुञ्जिएको  थियो । कोभिड  १९ का कारण गत २४ गतेदेखि सुरु भएको संस्थाको २३ औ वार्षिक साधारण सभाको मूल समारोह आंशिक भौतिक र भर्चुअल रुपमा हुँदैछ  । २३ औ वार्षिक साधारण सभाका अवसरमा संस्थाका अध्यक्ष दुर्गाप्रसाद पाण्डेले शुभकामना  व्यक्त  गर्दै  सबैसँग सहकार्य र समन्वय एवं सहयोगको अपेक्षा राख्नुभएको छ  ।