Recent News

 

बाँकि समाचारहरु

Today's Program

 

RL Family

 

Presenters

 

Opinion Poll

 

Loading...

Join Us on Facebook

 

News

यौन शोषणका अभियुक्त आश्रमका प्रबन्धक पक्राउ

भैरहवा, जेष्ठ ३० - रुपन्देही मदौलिया-४ को नेपाल अविनाश बाल आश्रमका प्रबन्धक सोही आश्रमका बालिकामाथि यौन शोषण गरेको अभियोगमा पक्राउ परेका छन् । प्रबन्धक आशीष थापालाई विगत डेढ वर्षदेखि यौन शोषण गर्दै आएको अभियोग लगाइएको छ ।

अभियुक्त थापालाई सोमबार रातिसम्म प्रहरी समक्ष उपस्थित गराउने प्रतिबद्धता उनका बाबु तथा आश्रमका अध्यक्ष रमेश थापाले गरेका थिए । सोही अनुसार मंगलबार उनी प्रहरी नियन्त्रणमा आएका हुन् । आश्रमका आधा दर्जन बालिकालाई प्रहरीले सोमबारै उद्धार गरी जिल्ला प्रहरी कार्यालयमा प्रारम्भिक बयान लिई कारबाही प्रकृया अगाडि बढाएको थियो ।

काठमाडौंस्थित ग्वार्कोमा रहेका थापा आफैं गाडीबाट प्रहरीसमक्ष आए पनि प्रहरीले ग्वार्कोदेखि नै पिछा गरेको र सडकको विभिन्न स्थानमा सादा पोसाकमा प्रहरी तैनाथ गरी उनको सुक्ष्म गतिविधि समेत नियालिएको रूपन्देहीको प्रहरी उपरीक्षक रवीन्द्रनाथ रेग्मीले बताए ।

प्रहरी उपरीक्षक रेग्मीका अनुसार अभियुक्तले प्रहरीसँगको प्रारम्भिक बयानमा आफूले गल्ती गरेको स्वीकार गरेका छन् । उनलाई प्रमाणका आधारमा हदैसम्मको कारबाहीको प्रकृया अगाडि बढाइएको पनि उनले बताए ।

यस घटनाका बारेमा स्थानीयवासीले निकै चासोका रूपमा लिएका छन् । अभियुक्त थापा प्रहरी नियन्त्रणमा आएपछि पनि स्थानीय महिलासहितको भीड प्रहरी कार्यालयमा देखिन्थ्यो । घटनाको यथार्थ छानबिन गरी दोषीमाथि कडा कारबाही गरिनुपर्ने माग उनीहरूले गरेका छन् ।

Comments

Other Top Stories