Recent News

 

बाँकि समाचारहरु

Today's Program

 

RL Family

 

Presenters

 

Opinion Poll

 

Loading...

Join Us on Facebook

 

News

विद्युत् महसुल बढाउने अन्तिम तयारी

जेष्ठ १ -  १० वर्षदेखी महशुल नबढाइएकाले विद्युत प्राधिकरणको सन्चेती नोक्सान २७ अर्व रुपैया भन्दा बढी पुगिसकेको छ । त्यसैले महसुल बढाउनुको विकल्प सरकारसंग नरहेको यस क्षेत्रसँग सम्बन्धित विज्ञले बताएका छन् ।

'महसुल बढाउने अन्तिम तयारीमा छौ,' उनले भने । प्राधिकरणको आर्थिक स्वास्थ प्रतिकुल हुदै गएकाले निजी क्षेत्र प्राधिकरण प्रति विश्वस्थ हुन नसकेकोले पनि महसुल बढाउनु आवश्यक रहेकेा वक्ताहरुको धारणा थियो ।

एसोसिएसनका अध्यक्ष किरण मल्लले महशुल र विद्युत खरिद दर पुनरावलोकन हुन नसकेकाले निजी क्षेत्रका ब्यवसायीहरु जलविद्युतमा लगानी  गर्न हिच्किचाइ रहेको बताए ।

उनले उर्जा मन्त्रालयले जलविद्युत आयोजना निर्माणमा सक्रियता देखाए पनि अन्य मन्त्रालयहरुको सहयोग र समन्वयको अभावमा आयोजनाहरु समयमै सम्पन्न हुन नसक्ने अवस्था रहेको बताए  ।

उद्योग वाणिज्य महासंघ उर्जा समितिका सभापति ज्ञानेन्द्रलाल प्रधानले सरकारले पेट्रोलियम पदार्थमा अत्याधिक मूल्यबृद्धि गर्दै आए पनि विद्युत महशुलमा पुनरावलोकन नगरेकाले प्राधिकरणको आर्थिक अवस्था  कमजोर हुादै गएका उनले बताए ।

चालु आर्थिक वर्षमा निजी क्षेत्रले विद्युतका लागिमात्रै १८ अर्व बराबरको डिजेल खपत गरेको उनले बताए । विजुलीका लागि महगो डिजलमा खर्च गर्न तयार रहेको निजी क्षेत्र महशुल बढी तिर्न पनि तयार रहेको उनको भनाई थियो ।

प्राधिकरणका पूर्व कार्यकारी निर्देशक तथा उर्जा मन्त्रालयका सहसचिव तथा अर्जुनकुमार कार्कीले यथास्थितिमा विद्युत महशुल बढाउनु उपयुक्त नहुने बताए । उनले प्राधिकरणको आर्थिक तथा व्यवस्थापकिय सुधार नगरी हचुवाका भरमा विद्युत महशुल बढाएमा अवस्था झन कमजोर हुने चेतावनी दिए । त्यसैगरी, विद्युत प्राधिकरण टे्रड यूनियनका प्रतिनिधि राम प्रसाद रिमालले विद्युत महसुल अटो रिभ्यु हुने सिस्टमले समायोजन गरिनुपर्ने बताए ।   

Comments

Other Top Stories